Tanhaieyon Ki Shaam Zara Aankh Tou Mila

اے حُسنِ لالہ فام ذرا آنکھ تو مِلا

خالی پڑے ہیں جام ذرا آنکھ تو مِلا

کہتے ہیں آنکھ آنکھ سے مِلنا ہے بندگی

دُنیا کے چھوڑ کام ذرا آنکھ تو مِلا

کیا وہ نہ آج آئیں گے تاروں کے ساتھ ساتھ؟

تنہائیوں کی شام ذرا آنکھ تو مِلا

ساقی مُجھے بھی چاہیئے اِک جامِ آرزو

کِتنے لگیں گے دام ذرا آنکھ تو مِلا

یہ جام، یہ سبُو، یہ تصوُر کی چاندنی

ساقی! کہاں مدام ذرا آنکھ تو مِلا

آ جائے گا یقین خُدا سب کو یک بہ یک

لے کر خُدا کا نام ذرا آنکھ تو مِلا

پامال ہو نہ جائے سِتاروں کی آبرو

اے میرے خوش خرام ذرا آنکھ تو مِلا

ہیں راہِ کہکشاں میں اَزل سے کھڑے ہوئے

 ...... ساغرؔ تیرے غُلام ذرا آنکھ تو مِلا

Ay Husn-e-Lala  Faam Zara Aankh Tou Mila

Khaali Paday Hein Jaam Zara Aankh Tou Mila

Kehte Hein Aankh Aankh Se Milna Hai Bandagi

Dunya K Chorr Kaam Zara Aankh Tou Mila

Kia Woh Na Aj Aaengay Taaron K Sath Sath?

Tanhaieyon Ki Shaam Zara Aankh Tou Mila

Saqi Mujhe Bhi Chaheye ik jaam-e-Aarzoo

Kitney Lagein Gay Daam Zara Aankh Tou Mila

Yeh Jaam, Yeh Sabu, Yeh Tasawwur Ki Chaandni

Saaqi Kahan Madaam Zara Aankh Tou Mila

Ajaega Yaqeen-e-Khuda Sab Ko Yak Ba Yak

Lay K Khuda Ka Naam Zara Aankh Tou Mila

Pamaal Ho Na Jey Sitaron Ki Aabroo

Ay Mere Khush Kharaam Zara Aankh Tou Mila

Hein Raah-e-Kehkashaan Mein Azal Se Kharray Huey

Sagar Teray Ghulaam Zara Aankh Tou Mila..........

Please Do Click g+1 Button If You Liked The Post  & Share It