Gulaab Rut Men Haseen Chehro..

Gulaab Rut Men Haseen Chehro

 Hame Bato Udaas Kiun Ho ?

Dilon Pay Beeti Sari Kahaniyan

 Hame Sunao Udaas Kiun Ho?

Jo Ranjishen Dil Men Pal Rahi Hen

Munafaqat Men Wo Dhal Rahi Hen

Bhula K Shikway Mita K Doori

 Galay Lagao Udaas Kiun Ho?

Kitab-e-Dil K Tamam Safhon Pe

Likha Hay Hum Ne Lafz Mohabbat

Hame Hamari Wafa K Agay

 Saza Sunao Udaas Kiun Ho?

Mohabbaton Ka Ho Jis Men Shamil

 Suroor Saqi Wo Maey Pilao,

Shaeaab Khany Men Ghup Andhera Hay

Dil Jalao Udas Kiun Ho?

Fareb Khana Bhi Mashghala Hay

Fareb Dena Bh Mashghala Hay,

Tou Dil K Lutnay Pe Kesa Matam

Khushi Manao Udas Kiun Ho?

Wo Ghulaab Hathon Men Le K Aana

Wo Baat Karna,Wo Muskurana,

Purani Yaadon Men Kho K Maazi Ka

 Lutf Uthao Udaas Kiun Ho?

Dukhon K Mosam K Baad Sukh Bhi

Zuroor Aenge Dekh Lena,

Tamam Khadshay Mita K Dil Se

 Hanso Hansaao Udaas Kiun Ho?

Please Do Click g+1 Button If You Liked The Post & Share It