Ujre Hue Logon Se اجڑے ہوئے لوگوں سے

  

اجڑے ہوئے لوگوں سے گریزاں نہ ہوا کر
حالات کی قبروں کے کتبے بھی پڑھا کر

کیا جانیے کیوں تیز ہَوا سوچ میں گم ہے؟
خوابیدہ پرندوں کو درختوں سے اڑا کر

اُس شخص کے تم سے بھی مراسم ہیں تو ہوں گے
وہ جھوٹ نہ بولے گا مرےسامنے آ کر

اب دستکیں دے گا تو کہاں اے غم احباب!
میں نے کہا تھا کہ مرے دل میں رہا کر

وہ آج بھی صدیوں کی مسافت پہ کھڑا ہے
ڈھونڈا تھا جسے وقت کی دیوار گرا کر

اے دل تجھے دشمن کی بھی پہچان کہاں ہے؟
تو حلقہء یاراں میں بھی محتاط رہا کر

میں مر بھی چکا ، مل بھی چکا موجِ ہوا میں
اب ریت کے سینے پہ مرا نام لکھا کر

پہلا سا کہاں ہے اب مری رفتار کا عالم
اے گردش دوراں ذرا تھم تھم کے چلا کر

اس رُت میں کہاں پھول کھلیں گے دلِ ناداں؟
زخموں کو ہی وابستئہ زنجیرِ صبا کر

اک روح کی فریاد نے چونکا دیا مجھ کو
تو اب تو مجھے جسم کے زنداں سے رہا کر

ہر وقت کا ہنسنا تجھے برباد نہ کردے
تنہائی کے لمحوں میں کبھی رو بھی لیا کر

اس شب کے مقدر میں سحر ہی نہیں محسن
دیکھا ہے کئی بار چراغوں کو بجھا کر

Ujre  Hue Logon Se Gurezaa Na Hua Kar
Halaat K Qabron K Ye Kutbey Bhi Parha Kar

Kia Janye Kiun Taiz Hawa Soch Men Ghum Hai

Khuwabaida Parindon Ko Darakhton Se Uraa Kar

Us Shakhs K Tum Se Bhi Marasim Tou Honge

Who Jhoot Na Boly Ga Mere Samney Aakar ,

Ab Dastaein De Ga Tu Kahan A Gham-E-Ehbaab

Men Ne Kaha Tha K Mere Dil Men Raha Kar ,

Wo Aaj Bhi Sadiyo Ki Musafat Pe Khara Hai
Dhudha Tha Jisay Waqt Ki Diwaar Gira Kar

Ae Dil Tujhe Dushman Ki Bhi Pehchan Kahan Hai
Tu Halqa-E-Yaraan Men Bhi Muhtat Raha Kar ,

Men Mar Bhi Chuka ,Mil Bhi Chuka Mouj-E-Hawa Men

Ab Rait K Seenay Pay Mera Naam Likha Kar

Pehla Sa Kahan Hai Ab Meri Raftaar Ka Aalam

A Gardish-E-Doraan Zar Tham Tham K Chala Kar ,

Is Rutt Men Kahan Phool Khilen Ge Dil-E-Nadaan

Zakhmon Ko He Wabasta Zanjeer-E-Saba Kar ,

Ik Rooh Ki Faryad Ne Chonka Diya Mujh Ko

Tu Ab Tou Mujhe  Jism K Zindaan Se Reha Kar ,

Har Waqt Ka Hasna Tujhe Barbad Na Kar De
Tanhai K Lamhon Men Kabhi Ro Bhi Liya Kar

Is Shab K Muqaddar Men Sehar Hi Nahi Mohsin
Dekha Hai Kai Charagon Ko Bujha Kar ..

Please Do Click g+1 Button If You Liked The Post & Share It