Be-Kaif Hein Yeh Sagar-o-Maina Tere Bagair

بےکیف ہیں یہ ساغر و مینا ترے بغیر

آساں ہوا ہے زہر کا پینا ترے بغیر

کیا کیا ترے فراق میں کی ہیں مشقّتیں

اِک ہو گیا ہے خُون پسینہ ترے بغیر

جچتا نہیں ہے کوئی نِگاہوں میں آج کل

بےعکس ہے یہ دیدہء بینا ترے بغیر

کِن کِن بلندیوں کی تمنا تھی عشق میں

طے ہو سکا نہ ایک بھی زِینہ ترے بغیر

تُو آشنائے شدتِ غم ہو تو کچھ کہوں

کِتنا بڑا عذاب ہے جینا ترے بغیر

ساحل پہ کتنے دیدہ و دل فرشِ راہ تھے

اُترا نہ پار دل کا سفینہ ترے بغیر

باقی کسی بھی چیز کا دل پر اثر نہیں

پتھر کا ہو گیا ہے یہ سینہ ترے بغیر

Be-Kaiaf Hein Yeh Sagar-o-Meena Tere Bagair

Aasaan Hua Hai Zehar Ka Peena Tere Bagair

Kia Kia Tere Firaq Mein Ki Hein Mushaqqatein

Ik Ho Gaya Hai Khoon Paseena Tere Bagair

Jachta Nahi Hai Koi Nigahon Mein Aaj Kal

Be-Aks Hai Yeh Deeda-e-Beena Tere Bagair

Kin Kin Bulandiyon Ki Tamanna Thi Ishq Mein

Tay Ho Saka Na Aik Bhi Zeena Tere Bagair

Tu Aashna-e-Shiddat-e-Gham Ho Tou Kuch Kahon

Kitna Barra Azaab Hai , Jeena Tere Bagair

Sahil Pay Kitne Deeda-o-Dil Farsh-e-Raah Thay

Utra Na Paar Dil Ka Safeena Tere Bagair

Baqi Kisi Bhi Cheez Ka Dil par Asar Nahi

Pathar Ka Ho Gaya Hai yeh Seena Tere Bagair... 

Please Do Click g+1 Button If You Liked The Post  & Share It