Chahat Bhari Ktaab Se Aagay Nikal Gaya...

چاہت بھری کتاب سے آگے نکل گیا

وہ شخص اِنتساب سے آگے نکل گیا

اُڑتے ہوئے بگولوں سے اُس کا پتہ نہ پوچھ

لگتا ہے وہ سراب سے آگے نکل گیا

سب واپسی کے راستے مسدود ہوگئے

وہ آج اِس حساب سے آگے نکل گیا

اِتنا سکوت, دھڑکنیں تھم تو نہیں گئیں؟

دل آج اِضطراب سے آگے نکل گیا

آنکھیں کھلیں تو سامنے تعبیر تھی کھڑی

وہ آج اپنے خواب سے آگے نکل گیا

آگے نئے عذاب کے آثار مل گئے

جب عشق , اِک عذاب سے آگے نکل گیا

گُم وَصل کی کتاب میں ایسا ہوا بتول

...وہ فُرقتوں کے باب سے آگے نکل گیا

Chahat Bhari Kitaab Se Aagay Nikal Gaya

Woh Shakhs Intasaab Se Aagay Nikal Gaya

Urrtay Huey Bagolon Se Uska Pata Na Pooch

Lagta Hai Woh Saraab Se Aagay Nikal Gaya

Sab Wapsi K Rastay Masdood Ho Gaey

Woh Aaj Is Hisaab Se Aagay Nikal Gaya

Itna Sakoot, Dharkane Tham Tou Nahi Gaie

Dil Aaj Iztaraab  Se Aagay Nikal Gaya

Aankhein Khuli Tou Samne Tabeer Thi Kharri

Woh Aaj Apne Khuwaab Se Aagay Nikal Gaya

Aagay Naey Azaab K Aasaar Mil Gaey

Jab Ishq, Ik Azaab Se Aagay Nikal Gaya

Ghum Vasl Ki Kitaab Mein Aisa Hua Batool

Woh Furqaton K Baab Se Aagay Nikal Gaya...

Please Do Click g+1 Button If You Liked The Post  & Share It