Thursday, 12 December 2013

Pin It

Widgets

Khaak Urrti Hai Is Jahaan Mein Kia

     ​

    خاک اُڑتی ہے اس جہان میں کیا​
    پھول کھلتے ہیں آسمان میں کیا​؟
    ​
    عشق تیرے خیال میں کیا ہے​
    زندگی ہے ترے گُمان میں کیا​؟
    ​
    میں جو حیرت زدہ سا رہتا ہوں​
    بات آتی ہے تیرے دھیان میں کیا​؟
    ​
    نیند آرام کر رہی ہے ابھی​
    تیری پلکوں کے سائبان میں کیا​؟
    ​
    کیا ہوئے وہ شکست خوردہ لوگ​
    آگئے سب تری امان میں کیا​؟
    ​
    تجھ سے یہ تیرے حاشیہ بردار​
    اور کہتے بھی میری شان میں کیا​؟
    ​
    پوچھتا ہے مکاں کا سناٹا​
    میں ہی رہتا ہوں اس مکان میں کیا​؟
    ​
    ہم ہیں خود آپ رو برو اپنے​
    اور ہیں خود ہی درمیان میں کیا​؟
    ​
    وہ جو کھڑکی کھلی سی رہتی ہے​
    جھانکتی ہے مرے مکان میں کیا​
    ​
    حال اپنا بھی کیا یہی ہو گا​
    ذکر آئے گا داستان میں کیا​؟
    ​
    جب کیے دُکھ بیاں اُسی سے کیے​
    بات ایسی ہے اس چٹان میں کیا​؟
    ​
    اچھے لگتے ہیں آن بان کے لوگ​
    جانے ہوتا ہے آن بان میں کیا​؟
    ​
    دل سے جب دل کلام کرتا ہے​
    لفظ آتے ہیں درمیان میں کیا​؟
    ​
    کیا ہوئے میرے خاندان کے لوگ​
    ایک میں ہی تھا خاندان میں کیا​؟
    ​
    جمع کیجے نہ درد و غم تو رساؔ​
    کیجیے اور اس جہان میں کیا​.....؟​؟​
    ​
   
Khaak Urrti Hai Is Jahaan Mein Kia
Phool Khiltey Hein Aasmaan Mein Kia ?

Ishq Teray Khayal Mein Kia Hai  
Zindagi Hai Teray Gumaan Mein Kia ?

Mein Jo Hairat-Zada Sa Rehta Hoon
Baat Aati Hai Teray Dhiyan Mein Kia ?

Neend Araam Kar Rahi Hai Abhi
Teri Palko’n K Saeybaan Mein Kia ?

Kia Huey Woh Shikhst Khorda Log
Aagaey Sab Teri Amaan Mein Kia ?

Tujhse Yeh Teray Hashiya Bardaar
Aur Kehtay Bhi Meri Shaan Mein Kia ?

Poochta Hai Makaa'n Ka Sannata
Mein He Rehta Hoon Is Makaan Mein Kia ?

Hum Hein Khud Aap Ru-Ba-Ru Apne
Aur Hein Khud He Darmiyan Mein Kia ?

Woh Jo Khirrki Khuli Si Rehti Hai
Jhankti Hai Meray Makaan Mein Kia ?

Haal Apna Bhi Kia Yehi Hoga
Zikar Aaeyga Dastaan Main Kia ?

Jab Kiye Dukh Bayaan Usi Se Kiye
Baat Aisi Hai Us Chataan Mein Kia ?

Achay Lagtey Hein Aan Baan K Log
Janay Hota Hai Aan Baan Mein Kia ?

Dil Jab Dil Kalaam Karta Hai
Lafz Aatey Hein Darmiyan Mein Kia ?

Kia Huey Meray Khandaan K Log
Aik Mein He Tha KHandaan Mein Kia ?

Jama Kijiye Na Dard-o-Gham Tou Rasa
Kijye Aur Is Jahaan Mein Kia ..... ..........??
  

 Please Do Click g+1 Button If You Liked The Post & Share It. 

Get Free Updates in your Inbox
Follow us on:
facebook twitter gplus pinterest rss

No comments:

Post a Comment

Thanks For Nice Comments.