Subha Nahi Hogi Kabhi Dil Mein Bithaley Tu Bhi

   
Best Poetry Collection
 
صبح نہیں ہو گی کبھی ، دل میں بٹھالےتو بھی
خود کو برباد نہ کر جاگنے والے تو بھی

میں کہاں تک تیری یادوں کےتعاقب میں رہوں
میں جو گم ہوں تو کبھی مرا پتہ لے تو بھی

اک شبستانِ رفاقت ہو ضروری تو نہیں
دشت تنہائی میں آ جشن منالے تو بھی

لفظ خود اپنے معانی کو طلب کرتا ہے
دل کی دیوار پہ اک نقش بنالے تو بھی

ٹوٹ جائیں نہ رگیں ضبط مسلسل سےکہیں
چھپ کےتنہائی میں کچھ اشک بہالے تو بھی

عہد حاضر میں تو پندار کی قیمت ہی نہیں
کوئی تیشہ نہ اٹھا ، کاسہ اٹھا لے تو بھی

میں نے اک عمر کے خوابوں کو تیرے نام کیا
اپنے احساس کو کر میرے حوالے تو بھی

میں بھی دل میں تری تصویر چھپائے رکھوں
 ........ اپنے ہونٹوں سے مرا نام مٹالے تو بھی 

Subha Nahi Hogi Kabhi Dil Mein Bithaley Tu Bhi
Khud Ko Barbaad Na Kar Jaagney Waley Tu Bhi

Mein Kahan Tak Teri Yaado'n K Ta'aqub Mein Rahoon
Mein Jo Ghum Hoon Tou Kabhi Mera Pata Ley Tu Bhi

Ik Shabistan-E-Rafaqat Ho Zaroori Tou Nahi
Dasth-E-Tanhai Mein Aa Jashn Mana Ley Tu Bhi

Lafz Khud Aapne Muaafi Ko Talab Karta Hai
Dil Ki Dewaar Pe Ik Naqsh Bana Ley Tu Bhi

Toot Jaen Na Ragein Zabt-E-Musalsal Se Kaheen
Chhup K Tanhai Mein Kuch Ashk Baha Ley Tu Bhi

Ehd-E-Hazir Mein Tou Pindaar Ki Koi Qeemat He Nahi
Koi Teesha Na Utha, Kaasa'h Utha Ley Tu Bhi

Mein Ne Ik Umar K Khuwabon Ko Tere Naam Kia
Apney Ehsaas Ko Kar Mere Hawaley Tu Bhi

Mein Bhi Dil Mein Teri Tasveer Chhupaey Rakhon
Apne Honton Se Mera Naam Mita Ley Tu Bhi .......



Please Do Click g+1 Button If You Liked The Post  & Share It

Comments

Post a Comment

Thanks For Nice Comments.