کیا کہیے کہ اب اس کی صدا تک نہیں آتی
اونچی ہوں فصیلیں تو ہوا تک نہیں آتی
شاید ہی کوئی آسکے اس موڑ سے آگے
اس موڑ سے آگے تو قضا تک نہیں آتی
وہ گل نہ رہے نکبتِ گُل خاک ملے گی
یہ سوچ کے گلشن میں صبا تک نہیں آتی
اس شورِ تلاطم میں کوئی کس کو پکارے
کانوں میں یہاں اپنی صدا تک نہیں آتی
خوددار ہوں کیوں آؤں درِ ابلِ کرم پر
کھیتی کبھی خود چل کے گھٹا تک نہیں آتی
اس دشت میں قدموں کے نشاں ڈھونڈ رہے ہو
پیڑوں سے جہاں چھن کےضیا تک نہیں آتی
یا جاتے ہوئے مجھ سے لپٹ جاتی تھیں شاخیں
یا میرے بلانے سے صبا تک نہیں آتی
کیا خشک ہوا روشنیوں کا وہ سمندر
اب کوئی کرن آبلہ پا تک نہیں آتی
چھپ چھپ کے سدا جھانکتی ہیں خلوتِ گل میں
مہتاب کی کرنوں کو حیا تک نہیں آتی
یہ کون بتائے عدم آباد ہے کیسا
ٹوٹی ہوئی قبروں سےصدا تک نہیں آتی
بہتر ہے پلٹ جاؤ سیہ خانۂ غم سے
...اس سرد گُپھا میں تو ہوا تک نہیں آتی
Kia Kaheiye Keh Ab Uski Sada Tak Nahi
Aati
Oonchi Hon Faseelein Tou Hawa Tak Nahi
Aati
Shayad He Koi Aa Sakay Is Morr Se Aagay
Is Morr Se Aagay Tou Qaza Tak Nahi Aati
Woh Gul Na Rahey Nikbat-e-Gul Khaak
Milay Gi
Yeh Soch K Gulshan Mein Saba Tak Nahi
Aati
Is Shor-e-Talatum Mein Koi Kis Ko
Pukarey
Kaano Mein Yahan Apni Sada Tak Nahi Aati
Khuddaar Hoon Kiun Aaon Dar-e-Abl-e-Karam
Par
Khailti Kabhi Khud Chal Kar Ghata Tak
Nahi Aati
Us Dasht Mein pairron K Nishaan Dhoond
Rahey Ho
Pairron Se Jahan Chhan K Ziya Tak Nahi
Aati
Ya Jati Hui Mujh Se Lipat Jati Thi
Shakhein
Ya Meray Bulaney Se Saba Tak Nahi Aati
Kia Khushk Hua Sroshniyon Ka Woh
Samandar
Ab Koi Kiran Aabla Paa Tak Nahi Aati
Chhup Chhup K Sada Jhankti Hai
Khalwat-e-Gul Mein
Mehtaab Ki Kirno Ko Haya Tak Nahi Aati
Yeh Kon Bataey Adam Abaad Hai Kaisa
Tooti Hui Qabron Se Sada Tak Nahi Aati
Behtar Hai Palat Jao Siyah Khan-e-Gham
Se
Is Ghupa Mein Tou Hawa Tak Nahi
Aati…………..
Please Do Click g+1 Button If You Liked The Post & Share It
lajwab poetry collection
ReplyDelete